श्री सूक्तम्

॥ अथ श्री सूक्तम् ॥ श्रीगणेशाय नम: ॥ अथ श्रीमहालक्ष्म्यै नम: ॥ हिरण्यवर्णामिति पंचदशर्चस्य सूक्तस्य आनंदकर्दमचिल्की तेंदिरासुता ऋषय: ॥ श्रीरग्निश्वेत्युभे देवते ॥ आद्यास्तिस्रोऽनुष्टुभ: ॥ चतुर्थी बृहती ॥ पंचमीषष्ठ्यौ त्रिष्टुभौ ॥ ततोऽष्टावनुष्टुभ: ॥ अंत्या प्रस्तारपंक्ति: ॥ जपे विनोयोग: ॥ ॥ श्रीसूक्तप्रारंभ: ॥

|| atha śrī sūktam || śrīgaṇeśāya nama: || atha śrīmahālakṣmyai nama: || hiraṇyavarṇāmiti paṃcadaśarcasya sūktasya ānaṃdakardamacilkī teṃdirāsutā ṛṣaya: || śrīragniśvetyubhe devate || ādyāstisro'nuṣṭubha: || caturthī bṛhatī || paṃcamīṣaṣṭhyau triṣṭubhau || tato'ṣṭāvanuṣṭubha: || aṃtyā prastārapaṃkti: || jape vinoyoga: || || śrīsūktaprāraṃbha: ||

हरि: ॐ ॥ हिरण्यवर्णां हरिणीं सुवर्णरजतस्रजाम् ॥ चंद्रां हिरण्मयीं लक्ष्मीं जातवेदो म आवह ॥

hari: oṃ || hiraṇyavarṇāṃ hariṇīṃ suvarṇarajatasrajām || caṃdrāṃ hiraṇmayīṃ lakṣmīṃ jātavedo ma āvaha ||

तां म आवह जातवेदो लक्ष्मीं अनपगामिनीम् ॥ यस्यां हिरण्यं विंदेयं गां अश्वं पुरुषान् अहम् ॥

tāṃ ma āvaha jātavedo lakṣmīṃ anapagāminīm || yasyāṃ hiraṇyaṃ viṃdeyaṃ gāṃ aśvaṃ puruṣān aham ||

अश्वपूर्वां रथमध्यां हस्तिनादप्रबोधिनीम् ॥ श्रियं देवीं उपव्हये श्री: मा देवी जुषताम् ॥

aśvapūrvāṃ rathamadhyāṃ hastinādaprabodhinīm || śriyaṃ devīṃ upavhaye śrī: mā devī juṣatām ||

कां सोस्मितां हिरण्यप्राकारां आर्द्रा ज्वलंतीं तृप्तां तर्पयंतीम् ॥ पद्मे स्थितां पद्मवर्णां तां इहोपह्वये श्रियम् ॥

kāṃ sosmitāṃ hiraṇyaprākārāṃ ārdrā jvalaṃtīṃ tṛptāṃ tarpayaṃtīm || padme sthitāṃ padmavarṇāṃ tāṃ ihopahvaye śriyam ||

चंद्रां प्रभासां यशसा ज्वलंतीं श्रियं लोके देवजुष्टां उदाराम् ॥ तां पद्मिनीमीं शरणमहं प्रपद्येऽ लक्ष्मी: मे नश्यतां त्वां वृणे ॥१॥

caṃdrāṃ prabhāsāṃ yaśasā jvalaṃtīṃ śriyaṃ loke devajuṣṭāṃ udārām || tāṃ padminīmīṃ śaraṇamahaṃ prapadye' lakṣmī: me naśyatāṃ tvāṃ vṛṇe ||1||

आदित्यवर्णे तपसोऽधिजातो वनस्पति: तववृक्षोथ बिल्व: ॥ तस्य फलानि तपसा नुदंतु मायांतरायाश्च बाह्या अलक्ष्मी: ॥

ādityavarṇe tapaso'dhijāto vanaspati: tavavṛkṣotha bilva: || tasya phalāni tapasā nudaṃtu māyāṃtarāyāśca bāhyā alakṣmī: ||

उपैतु मां देवसख: कीर्तिश्च मणिना सह ॥ प्रादुर्भूत: सुराष्ट्रेऽस्मिन् कीर्तिमृद्धिं ददातु मे ॥

upaitu māṃ devasakha: kīrtiśca maṇinā saha || prādurbhūta: surāṣṭre'smin kīrtimṛddhiṃ dadātu me ||

क्षुत्पिपासामलां ज्येष्ठां अलक्ष्मीं नाशयाम्यहम् ॥ अभूतिं असमृद्धिं च सर्वां निर्णुद मे गृहात् ॥

kṣutpipāsāmalāṃ jyeṣṭhāṃ alakṣmīṃ nāśayāmyaham || abhūtiṃ asamṛddhiṃ ca sarvāṃ nirṇuda me gṛhāt ||

गंधद्वारां दुराधर्षां नित्यपुष्टां करीषिणीम् ॥ ईश्वरीं सर्वभूतानां तां इहोपह्वये श्रियम् ॥

gaṃdhadvārāṃ durādharṣāṃ nityapuṣṭāṃ karīṣiṇīm || īśvarīṃ sarvabhūtānāṃ tāṃ ihopahvaye śriyam ||

मनस: काममाकूतिं वाच: सत्यमशीमहि ॥ पशूनां रुपमन्नस्य मयि श्री: श्रयतां यश: ॥२॥

manasa: kāmamākūtiṃ vāca: satyamaśīmahi || paśūnāṃ rupamannasya mayi śrī: śrayatāṃ yaśa: ||2||

कर्दमेन प्रजा भूता मयि संभव कर्दम ॥ श्रियं वासय मे कुले मातरं पद्ममालिनीम् ॥

kardamena prajā bhūtā mayi saṃbhava kardama || śriyaṃ vāsaya me kule mātaraṃ padmamālinīm ||

आप: सृजन्तु स्निग्धानि चिल्कीत वस मे गृहे ॥ निच देवीं मातरं श्रियं वासय मे कुले ॥

āpa: sṛjantu snigdhāni cilkīta vasa me gṛhe || nica devīṃ mātaraṃ śriyaṃ vāsaya me kule ||

आर्द्रां य: करिणीं यष्टिं सुवर्णां हेममालिनिम् ॥ सूर्यां हिरण्मयीं लक्ष्मीं जातवेदो म आवह ॥

ārdrāṃ ya: kariṇīṃ yaṣṭiṃ suvarṇāṃ hemamālinim || sūryāṃ hiraṇmayīṃ lakṣmīṃ jātavedo ma āvaha ||

आर्द्रां पुष्करिणीं पुष्टिं पिंगलां पद्ममालिनीम् ॥ चंद्रां हिरण्यमयीं लक्ष्मीं जातवेदो म आवह ॥

ārdrāṃ puṣkariṇīṃ puṣṭiṃ piṃgalāṃ padmamālinīm || caṃdrāṃ hiraṇyamayīṃ lakṣmīṃ jātavedo ma āvaha ||

तां म आवह जातवेदो लक्ष्मीं अनपगामिनीं ॥ यस्यां हिरण्यं प्रभूतं गावोदास्योऽश्वान् विंदेयं पुरुषान् अहम् ॥३॥

tāṃ ma āvaha jātavedo lakṣmīṃ anapagāminīṃ || yasyāṃ hiraṇyaṃ prabhūtaṃ gāvodāsyo'śvān viṃdeyaṃ puruṣān aham ||3||

य: शुचि: प्रयतो भूत्वा जुहुयाद् आज्यं अन्वहम् ॥ सूक्तं पंचदशर्चं च श्रीकाम: सततं जपेत् ॥ पद्मानने पद्म‌उरू पद्माक्षी पद्मसंभवे ॥ तन्मे भजसि पद्माक्षि येन सौख्यं लभाम्यहम् ॥ अश्वदायै गोदायै धनदायै महाधने ॥ धनं मे लभतां देवि सर्वकामांश्चदेहि मे ॥ पद्मानने पद्मविपद्मपत्रे पद्मप्रिये पद्मदलायताक्षि ॥ विश्वप्रिये विश्वमनोनुकूले त्वत्पादपद्मं मयि संनिधत्स्व ॥ पुत्रपौत्र धनं धान्यं हस्त्यश्वादिगवे रथम् ॥ प्रजानां भवसि माता आयुष्मंतं करोतु मे ॥ धनं अग्नि: धनं वायु: धनं सूर्यो धनं वसु: ॥ धनं इन्द्रो बृहस्पतिर्वरुणो धनमश्विना ॥ वैनतेय सोमं पिब सोमं पिबतु वृत्रहा ॥ सोमं धनस्य सोमिनो मह्यं ददातु सोमिन: ॥ न क्रोधो न च मात्सर्यं न लोभो नाशुभा मति: ॥ भवंति कृतपुण्यानां भक्तानां श्रीसूक्तं जपेत् ॥ सरसिजनिलये सरोजहस्ते धवलतरांशुकगंधमाल्यशोभे ॥ भगवति हरिवल्लभे मनोज्ञे त्रिभुवनभूतिकरि प्रसीद मह्यम् ॥ विष्णुपत्नीं क्षमां देवीं माधवीं माधवप्रियाम् ॥ लक्ष्मीं प्रियसखीदेवीं नम्यच्युतवल्लभाम् ॥ महालक्ष्मी च विद्महे विष्णुपत्नी च धीमहि ॥ तन्नो लक्ष्मी: प्रचोदयात् ॥ श्रीवर्चस्वमायुष्यमारोग्यमाविधात् शोभमानं महीयते ॥ धान्यं धनं पशुं बहुपुत्रलाभं शतसंवत्सरं दीर्घं आयु: ॥ ॥ इति श्रीसूक्तम् ॥

ya: śuci: prayato bhūtvā juhuyād ājyaṃ anvaham || sūktaṃ paṃcadaśarcaṃ ca śrīkāma: satataṃ japet || padmānane padma‌urū padmākṣī padmasaṃbhave || tanme bhajasi padmākṣi yena saukhyaṃ labhāmyaham || aśvadāyai godāyai dhanadāyai mahādhane || dhanaṃ me labhatāṃ devi sarvakāmāṃścadehi me || padmānane padmavipadmapatre padmapriye padmadalāyatākṣi || viśvapriye viśvamanonukūle tvatpādapadmaṃ mayi saṃnidhatsva || putrapautra dhanaṃ dhānyaṃ hastyaśvādigave ratham || prajānāṃ bhavasi mātā āyuṣmaṃtaṃ karotu me || dhanaṃ agni: dhanaṃ vāyu: dhanaṃ sūryo dhanaṃ vasu: || dhanaṃ indro bṛhaspatirvaruṇo dhanamaśvinā || vainateya somaṃ piba somaṃ pibatu vṛtrahā || somaṃ dhanasya somino mahyaṃ dadātu somina: || na krodho na ca mātsaryaṃ na lobho nāśubhā mati: || bhavaṃti kṛtapuṇyānāṃ bhaktānāṃ śrīsūktaṃ japet || sarasijanilaye sarojahaste dhavalatarāṃśukagaṃdhamālyaśobhe || bhagavati harivallabhe manojñe tribhuvanabhūtikari prasīda mahyam || viṣṇupatnīṃ kṣamāṃ devīṃ mādhavīṃ mādhavapriyām || lakṣmīṃ priyasakhīdevīṃ namyacyutavallabhām || mahālakṣmī ca vidmahe viṣṇupatnī ca dhīmahi || tanno lakṣmī: pracodayāt || śrīvarcasvamāyuṣyamārogyamāvidhāt śobhamānaṃ mahīyate || dhānyaṃ dhanaṃ paśuṃ bahuputralābhaṃ śatasaṃvatsaraṃ dīrghaṃ āyu: || || iti śrīsūktam ||