चन्द्रशेखर चन्द्रशेखर चन्द्रशेखर पाहिमाम् । चन्द्रशेखर चन्द्रशेखर चन्द्रशेखर रक्षमाम् ॥ १॥
candraśekhara candraśekhara candraśekhara pāhimām | candraśekhara candraśekhara candraśekhara rakṣamām || 1||
रत्नसानुशरासनं रजतादिशृङ्गनिकेतनं सिञ्जिनीकृतपन्नगेश्वरमच्युताननसायकम् । क्षिप्रदघपुरत्रयं त्रिदिवालयैभिवन्दितं चन्द्रशेखरमाश्रये मम किं करिष्यति वै यमः ॥ २॥
ratnasānuśarāsanaṃ rajatādiśṛṅganiketanaṃ siñjinīkṛtapannageśvaramacyutānanasāyakam | kṣipradaghapuratrayaṃ tridivālayaibhivanditaṃ candraśekharamāśraye mama kiṃ kariṣyati vai yamaḥ || 2||
पञ्चपादपपुष्पगन्धपदाम्बुजदूयशोभितं भाललोचनजातपावकदग्धमन्मथविग्रहं । भस्मदिग्धकलेवरं भवनाशनं भवमव्ययं चन्द्रशेखर चन्द्रशेखर चन्द्रशेखर रक्षमाम् ॥ ३॥
pañcapādapapuṣpagandhapadāmbujadūyaśobhitaṃ bhālalocanajātapāvakadagdhamanmathavigrahaṃ | bhasmadigdhakalevaraṃ bhavanāśanaṃ bhavamavyayaṃ candraśekhara candraśekhara candraśekhara rakṣamām || 3||
मत्त्वारणमुख्यचर्मकृतोत्तरीमनोहरं पङ्कजासनपद्मलोचनपुजिताङ्घ्रिसरोरुहम् । देवसिन्धुतरङ्गसीकर सिक्तशुभ्रजटाधरं चन्द्रशेखर चन्द्रशेखर चन्द्रशेखर रक्षमाम् ॥ ४॥
mattvāraṇamukhyacarmakṛtottarīmanoharaṃ paṅkajāsanapadmalocanapujitāṅghrisaroruham | devasindhutaraṅgasīkara siktaśubhrajaṭādharaṃ candraśekhara candraśekhara candraśekhara rakṣamām || 4||
यक्षराजसखं भगाक्षहरं भुजङ्गविभूषणं शैलराजसुता परिष्कृत चारुवामकलेवरम् । क्ष्वेडनीलगलं परश्वधधारिणं मृगधारिणं चन्द्रशेखर चन्द्रशेखर चन्द्रशेखर रक्षमाम् ॥ ५॥
yakṣarājasakhaṃ bhagākṣaharaṃ bhujaṅgavibhūṣaṇaṃ śailarājasutā pariṣkṛta cāruvāmakalevaram | kṣveḍanīlagalaṃ paraśvadhadhāriṇaṃ mṛgadhāriṇaṃ candraśekhara candraśekhara candraśekhara rakṣamām || 5||
कुण्डलीकृतकुण्डलेश्वरकुण्डलं वृषवाहनं नारदादिमुनीश्वरस्तुतवैभवं भुवनेश्वरम् । अन्धकान्धकामा श्रिता मरपादपं शमनान्तकं चन्द्रशेखर चन्द्रशेखर चन्द्रशेखर रक्षमाम् ॥ ६॥
kuṇḍalīkṛtakuṇḍaleśvarakuṇḍalaṃ vṛṣavāhanaṃ nāradādimunīśvarastutavaibhavaṃ bhuvaneśvaram | andhakāndhakāmā śritā marapādapaṃ śamanāntakaṃ candraśekhara candraśekhara candraśekhara rakṣamām || 6||
भषजं भवरोगिणामखिलापदामपहारिणं दक्षयज्ञर्विनाशनं त्रिगुणात्मकं त्रिविलोचनम् । भुक्तिमुक्तफलप्रदं सकलाघसङ्घनिवर्हनं चन्द्रशेखर चन्द्रशेखर चन्द्रशेखर रक्षमाम् ॥ ७॥
bhaṣajaṃ bhavarogiṇāmakhilāpadāmapahāriṇaṃ dakṣayajñarvināśanaṃ triguṇātmakaṃ trivilocanam | bhuktimuktaphalapradaṃ sakalāghasaṅghanivarhanaṃ candraśekhara candraśekhara candraśekhara rakṣamām || 7||
भक्त वत्सलमचिञ्तं निधिमक्षयं हरिदम्वरं सर्वभूतपतिं परात्पर प्रमेयमनुत्तमम् । सोमवारिज भूहुताशनसोमपानिलखाकृतिं चन्द्रशेखर चन्द्रशेखर चन्द्रशेखर रक्षमाम् ॥ ८॥
bhakta vatsalamaciñtaṃ nidhimakṣayaṃ haridamvaraṃ sarvabhūtapatiṃ parātpara prameyamanuttamam | somavārija bhūhutāśanasomapānilakhākṛtiṃ candraśekhara candraśekhara candraśekhara rakṣamām || 8||
विश्वसृष्टिविधालिनं पुनरेव पालनतत्परं संहरन्तमपि प्रपञ्चम शेषलोकनिवासिनम् । क्रिडयन्तमहर्निशं गणनाथयूथ समन्वितं चन्द्रशेखर चन्द्रशेकर चन्द्रशेकर रक्षमाम् ॥ ९॥
viśvasṛṣṭividhālinaṃ punareva pālanatatparaṃ saṃharantamapi prapañcama śeṣalokanivāsinam | kriḍayantamaharniśaṃ gaṇanāthayūtha samanvitaṃ candraśekhara candraśekara candraśekara rakṣamām || 9||
मृत्युभीतमृकण्डसूनुकृतस्तव शिव सन्निधौ यत्र कुत्र च पठेन्नहि तस्य मृत्युभयं भवेत् । पूर्णमायुररोगितामखिलाथ सम्पदमादरं चन्द्रशेखर एव तस्य ददाति मुक्तिमयत्नतः ॥ १०॥
mṛtyubhītamṛkaṇḍasūnukṛtastava śiva sannidhau yatra kutra ca paṭhennahi tasya mṛtyubhayaṃ bhavet | pūrṇamāyurarogitāmakhilātha sampadamādaraṃ candraśekhara eva tasya dadāti muktimayatnataḥ || 10||
॥। इति चन्द्रशेखराष्टकम् ॥
||| iti candraśekharāṣṭakam ||