॥ अथ श्री महालक्ष्म्यष्टकम् ॥ श्रीगणेशाय नम: ॥ इंद्र उवाच ॥ नमस्तेऽस्तु महामाये श्रीपीठे सुरपूजिते । शंखचक्र गदाहस्ते महालक्ष्मि नमोऽस्तुते ॥१॥
|| atha śrī mahālakṣmyaṣṭakam || śrīgaṇeśāya nama: || iṃdra uvāca || namaste'stu mahāmāye śrīpīṭhe surapūjite | śaṃkhacakra gadāhaste mahālakṣmi namo'stute ||1||
नमस्ते गरुडारुढे कोलासुर भयंकरी । सर्वपापहरे देवी महालक्ष्मि नमोऽस्तुते ॥२॥
namaste garuḍāruḍhe kolāsura bhayaṃkarī | sarvapāpahare devī mahālakṣmi namo'stute ||2||
सर्वज्ञे सर्ववरदे सर्वसुष्टभयंकरी । सर्वदु:खहरे देवी महालक्ष्मि नमोऽस्तुते ॥३॥
sarvajñe sarvavarade sarvasuṣṭabhayaṃkarī | sarvadu:khahare devī mahālakṣmi namo'stute ||3||
सिद्धिबुद्धिप्रदे देवी भुक्तिमुक्तिप्रदायिनि । मंत्रमूर्ते सदा देवी महालक्ष्मि नमोऽस्तुते ॥४॥
siddhibuddhiprade devī bhuktimuktipradāyini | maṃtramūrte sadā devī mahālakṣmi namo'stute ||4||
आद्यंतरहिते देवी आद्यशक्ति महेश्वरि । योगजे योगसंभूते महालक्ष्मि नमोऽस्तुते ॥५॥
ādyaṃtarahite devī ādyaśakti maheśvari | yogaje yogasaṃbhūte mahālakṣmi namo'stute ||5||
शूल सूक्ष्ममहारौद्रे महाशक्ति महोदरे । महापापहरे देवी महालक्ष्मि नमोऽस्तुते ॥६॥
śūla sūkṣmamahāraudre mahāśakti mahodare | mahāpāpahare devī mahālakṣmi namo'stute ||6||
पद्मासनस्थिते देवी परब्रह्मस्वरुपिणि । परमेशि जगन्मातार्महालक्ष्मि नमोऽस्तुते ॥७॥
padmāsanasthite devī parabrahmasvarupiṇi | parameśi jaganmātārmahālakṣmi namo'stute ||7||
श्वेतांबरधरे देवी नानालंकार भूषिते । जगत्स्थिते जगन्मातार्महालक्ष्मि नमोऽस्तुते ॥८॥
śvetāṃbaradhare devī nānālaṃkāra bhūṣite | jagatsthite jaganmātārmahālakṣmi namo'stute ||8||
महालक्ष्म्यष्टकं स्तोत्रं य: पठेद्भक्तिमान्नर: । सर्वसिद्धिमवाप्नोति राज्य प्राप्तेति सर्वदा ॥९॥
mahālakṣmyaṣṭakaṃ stotraṃ ya: paṭhedbhaktimānnara: | sarvasiddhimavāpnoti rājya prāpteti sarvadā ||9||
एककाले पठेन्नित्यं महापापविनाशनम् । द्विकालं य: पठेन्नित्यं धनधान्यसमन्वित: ॥१०॥
ekakāle paṭhennityaṃ mahāpāpavināśanam | dvikālaṃ ya: paṭhennityaṃ dhanadhānyasamanvita: ||10||
त्रिकालं य: पठेन्नित्यं महाशत्रुंविनाशनम् । महालक्ष्मिर्भवेन्नित्यं प्रसन्ना वरदा शुभा ॥११॥
trikālaṃ ya: paṭhennityaṃ mahāśatruṃvināśanam | mahālakṣmirbhavennityaṃ prasannā varadā śubhā ||11||
इतिंद्रकृत: श्रीमहालक्ष्म्यष्टकस्तव: संपूर्ण: ॥
itiṃdrakṛta: śrīmahālakṣmyaṣṭakastava: saṃpūrṇa: ||