Rama Raksha Stotram

ॐ श्रीगणेशाय नमः । अस्य श्रीरामरक्षास्तोत्रमन्त्रस्य । बुधकौशिकऋषिः । श्रीसीतारामचन्द्रो देवता । अनुष्ठुप् छ्न्दः । सीता शक्तिः । श्रीमद्धनुमान् कीलकम् । श्रीरामचन्द्रप्रित्यर्थे जपे विनियोगः । अथ ध्यानम् । ध्यायेदाजानुबाहुं ध्रुतशरधनुषं बदधपद्मासनस्तं । पीतं वासो वसानं नवकमलदलस्पर्धिनेत्रं प्रसन्नम् । वामाङ्कारुढसीता मुखकमलमिलल्लोचनं नीरदाभं । नानालङ्कारदीप्तं दधतमुरुजटामण्डनं रामचन्द्रम् ॥ इति ध्यानम् । चरितं रघुनाथस्य शतकोटिप्रविस्तरम् । एकैकमक्षरम् पुंसां महापातकनाशनम् ॥१॥

oṃ śrīgaṇeśāya namaḥ | asya śrīrāmarakṣāstotramantrasya | budhakauśikaṛṣiḥ | śrīsītārāmacandro devatā | anuṣṭhup chndaḥ | sītā śaktiḥ | śrīmaddhanumān kīlakam | śrīrāmacandraprityarthe jape viniyogaḥ | atha dhyānam | dhyāyedājānubāhuṃ dhrutaśaradhanuṣaṃ badadhapadmāsanastaṃ | pītaṃ vāso vasānaṃ navakamaladalaspardhinetraṃ prasannam | vāmāṅkāruḍhasītā mukhakamalamilallocanaṃ nīradābhaṃ | nānālaṅkāradīptaṃ dadhatamurujaṭāmaṇḍanaṃ rāmacandram || iti dhyānam | caritaṃ raghunāthasya śatakoṭipravistaram | ekaikamakṣaram puṃsāṃ mahāpātakanāśanam ||1||

ध्यात्वा नीलोत्पलश्यामं रामं राजीवलोचनम् । जानकीलक्ष्मणोपेतं जटामुकुटमण्डितम् ॥२॥

dhyātvā nīlotpalaśyāmaṃ rāmaṃ rājīvalocanam | jānakīlakṣmaṇopetaṃ jaṭāmukuṭamaṇḍitam ||2||

सासितूणधनुर्बाणपाणिं नक्तंचरान्तकम् । स्वलीलया जगतत्रातुभाविर्भूतमजं विभुम् ॥३॥

sāsitūṇadhanurbāṇapāṇiṃ naktaṃcarāntakam | svalīlayā jagatatrātubhāvirbhūtamajaṃ vibhum ||3||

रामरक्षां पठेत् प्राज्ञः पापन्घीं सर्वकामदाम् । शिरो मे राघवः पातु भालं दशरथात्मजः ॥४॥

rāmarakṣāṃ paṭhet prājñaḥ pāpanghīṃ sarvakāmadām | śiro me rāghavaḥ pātu bhālaṃ daśarathātmajaḥ ||4||

कौसल्येयो ध्रुशौ पातु विश्वामित्रप्रियः श्रुती । घ्राणं पातु मखत्राता मुखं सौमित्रिवत्सलः ॥५॥

kausalyeyo dhruśau pātu viśvāmitrapriyaḥ śrutī | ghrāṇaṃ pātu makhatrātā mukhaṃ saumitrivatsalaḥ ||5||

जिव्हां विद्यानिधिः पातु कण्ठं भरतवन्दितः । स्कन्धौ दिव्यायुधः पातु भुजौ भग्नेशकार्मुकः ॥६॥

jivhāṃ vidyānidhiḥ pātu kaṇṭhaṃ bharatavanditaḥ | skandhau divyāyudhaḥ pātu bhujau bhagneśakārmukaḥ ||6||

करौ सितापतिः पातु ह्र्दयं जामदग्न्यजित् । मध्यं पातु खरध्वंसी नाभिं जाम्बवदाश्रयः ॥७॥

karau sitāpatiḥ pātu hrdayaṃ jāmadagnyajit | madhyaṃ pātu kharadhvaṃsī nābhiṃ jāmbavadāśrayaḥ ||7||

सुग्रीवेशः कटी पातु सक्थिनी हनुमत्प्रभुः । ऊरू रघूत्तमः पातु रक्षःकुलविनाशकृत् ॥८॥

sugrīveśaḥ kaṭī pātu sakthinī hanumatprabhuḥ | ūrū raghūttamaḥ pātu rakṣaḥkulavināśakṛt ||8||

जानुनी सेतुकृत्पातु जंघे दशमुखान्तकः । पादौ बिभीषणश्रीदः पातु रामोऽखिलं वपुः ॥९॥

jānunī setukṛtpātu jaṃghe daśamukhāntakaḥ | pādau bibhīṣaṇaśrīdaḥ pātu rāmo'khilaṃ vapuḥ ||9||

एतां रामबलोपेतां रक्षां यः सुकृती पठेत् । स चिरायुः सुखी पुत्री विजयी विनयी भवेत् ॥१०॥

etāṃ rāmabalopetāṃ rakṣāṃ yaḥ sukṛtī paṭhet | sa cirāyuḥ sukhī putrī vijayī vinayī bhavet ||10||

पातालभूतलव्योमचारिणश्छद्मचारिणः । न द्रष्टुमपि शक्तास्ते रक्षितं रामनामभिः ॥११॥

pātālabhūtalavyomacāriṇaśchadmacāriṇaḥ | na draṣṭumapi śaktāste rakṣitaṃ rāmanāmabhiḥ ||11||

रामेति रामभद्रेति रामचन्द्रेति वा स्मरन् । नरो न लिप्यते पापैर्भुक्तिं मुक्तिं च विन्दति ॥१२॥

rāmeti rāmabhadreti rāmacandreti vā smaran | naro na lipyate pāpairbhuktiṃ muktiṃ ca vindati ||12||

जगज्जैत्रैकमन्त्रेण रामनामाभिरक्षितम् । यः कण्ठे धारयेत्तस्य करस्थाः सर्वसिद्धयः ॥१३॥

jagajjaitraikamantreṇa rāmanāmābhirakṣitam | yaḥ kaṇṭhe dhārayettasya karasthāḥ sarvasiddhayaḥ ||13||

वज्रपञ्जरनामेदं यो रामकवचं स्मरेत् । अव्याहताज्ञः सर्वत्र लभते जयमङ्गलम् ॥१४॥

vajrapañjaranāmedaṃ yo rāmakavacaṃ smaret | avyāhatājñaḥ sarvatra labhate jayamaṅgalam ||14||

आदिष्टवान् यथा स्वप्ने रामरक्षामिमां हरः । तथा लिखितवान् प्रातः प्रबुद्धो बुधकौशिकः ॥१५॥

ādiṣṭavān yathā svapne rāmarakṣāmimāṃ haraḥ | tathā likhitavān prātaḥ prabuddho budhakauśikaḥ ||15||

आरामः कल्पवृक्षाणां विरामः सकलापदाम् । अभिरामस्त्रिलोकानां रामः श्रीमान् स नः प्रभुः ॥१६॥

ārāmaḥ kalpavṛkṣāṇāṃ virāmaḥ sakalāpadām | abhirāmastrilokānāṃ rāmaḥ śrīmān sa naḥ prabhuḥ ||16||

तरुणौ रूपसंपन्नौ सुकुमारौ महाबलौ । पुण्डरीकविशालाक्षौ चीरकृष्णाजिनाम्बरौ ॥१७॥

taruṇau rūpasaṃpannau sukumārau mahābalau | puṇḍarīkaviśālākṣau cīrakṛṣṇājināmbarau ||17||

फ़लमूलाशिनौ दान्तौ तापसौ ब्रम्हचारिणौ । पुत्रौ दशरथस्यैतौ भ्रातरौ रामलक्ष्मणौ ॥१८॥

falamūlāśinau dāntau tāpasau bramhacāriṇau | putrau daśarathasyaitau bhrātarau rāmalakṣmaṇau ||18||

शरण्यौ सर्वसत्त्वानां श्रेष्ठौ सर्वधनुष्मताम् । रक्षः कुलनिहन्तारौ त्रायेतां नो रघूत्तमौ ॥१९॥

śaraṇyau sarvasattvānāṃ śreṣṭhau sarvadhanuṣmatām | rakṣaḥ kulanihantārau trāyetāṃ no raghūttamau ||19||

आत्तसज्यधनुषाविषुस्पृशावक्षयाशुगनिषड्गसड्गिनौ । रक्षणायमम रामलक्ष्मणावग्रतः पथि सदैव गच्छताम् ॥२०॥

āttasajyadhanuṣāviṣuspṛśāvakṣayāśuganiṣaḍgasaḍginau | rakṣaṇāyamama rāmalakṣmaṇāvagrataḥ pathi sadaiva gacchatām ||20||

संनद्धः कवची खड्गी चापबाणोधरो युवा । गच्छ्न् मनोरथोऽस्माकं रामः पातु सलक्ष्मणः ॥२१॥

saṃnaddhaḥ kavacī khaḍgī cāpabāṇodharo yuvā | gacchn manoratho'smākaṃ rāmaḥ pātu salakṣmaṇaḥ ||21||

रामो दाशरथिः शूरो लक्ष्मणानुचरो बली । काकुत्स्थः पुरुषः पूर्णः कौसल्येयो रघूत्तमः ॥२२॥

rāmo dāśarathiḥ śūro lakṣmaṇānucaro balī | kākutsthaḥ puruṣaḥ pūrṇaḥ kausalyeyo raghūttamaḥ ||22||

वेदान्तवेद्यो यज्ञेशः पुराणपुरुषोत्तमः । जानकीवल्लभः श्रीमानप्रमेयपराक्रमः ॥२३॥

vedāntavedyo yajñeśaḥ purāṇapuruṣottamaḥ | jānakīvallabhaḥ śrīmānaprameyaparākramaḥ ||23||

इत्येतानि जपन् नित्यं मद्भक्तः श्रद्धयान्वितः । अश्वमेधाधिकं पुण्यं संप्राप्नोति न संशयः ॥२४॥

ityetāni japan nityaṃ madbhaktaḥ śraddhayānvitaḥ | aśvamedhādhikaṃ puṇyaṃ saṃprāpnoti na saṃśayaḥ ||24||

रामं दूर्वादलश्यामं पद्माक्षं पीतवाससम् । स्तुवन्ति नामभिर्दिव्यैः न ते संसारिणो नरः ॥२५॥

rāmaṃ dūrvādalaśyāmaṃ padmākṣaṃ pītavāsasam | stuvanti nāmabhirdivyaiḥ na te saṃsāriṇo naraḥ ||25||

रामं लक्ष्मणपूर्वजं रघुवरं सीतापतिं सुन्दरं । काकुत्स्थं करुणार्णवं गुणनिधिं विप्रप्रियं धार्मिकम् । राजेन्द्रं सत्यसन्धं दशरथनयं श्यामलं शान्तमूर्तिं । वन्दे लोकाभिरामं रघुकुलतिलकं राघवं रावणारिम् ॥२६॥

rāmaṃ lakṣmaṇapūrvajaṃ raghuvaraṃ sītāpatiṃ sundaraṃ | kākutsthaṃ karuṇārṇavaṃ guṇanidhiṃ viprapriyaṃ dhārmikam | rājendraṃ satyasandhaṃ daśarathanayaṃ śyāmalaṃ śāntamūrtiṃ | vande lokābhirāmaṃ raghukulatilakaṃ rāghavaṃ rāvaṇārim ||26||

रामाय रामभद्राय रामचंद्राय वेधसे । रघुनाथाय नाथाय सीतायाः पतये नमः ॥२७॥

rāmāya rāmabhadrāya rāmacaṃdrāya vedhase | raghunāthāya nāthāya sītāyāḥ pataye namaḥ ||27||

श्रीराम राम रघुनन्दन राम राम । श्रीराम राम भरताग्रज राम राम । श्रीराम राम रणकर्कश राम राम । श्रीराम राम शरणं भव राम राम ॥२८॥

śrīrāma rāma raghunandana rāma rāma | śrīrāma rāma bharatāgraja rāma rāma | śrīrāma rāma raṇakarkaśa rāma rāma | śrīrāma rāma śaraṇaṃ bhava rāma rāma ||28||

श्रीरामचन्द्रचरणौ मनसा स्मरामि । श्रीरामचन्द्रचरणौ वचसा गृणामि । श्रीरामचन्द्रचरणौ शिरसा नमामि । श्रीरामचन्द्रचरणौ शरणं प्रपद्ये ॥२९॥

śrīrāmacandracaraṇau manasā smarāmi | śrīrāmacandracaraṇau vacasā gṛṇāmi | śrīrāmacandracaraṇau śirasā namāmi | śrīrāmacandracaraṇau śaraṇaṃ prapadye ||29||

माता रामो मत्पिता रामचन्द्रः । स्वामि रामो मत्सखा रामचन्द्रः । सर्वस्वं मे रामचन्द्रो दयालुः नान्यं । जाने नैव जाने न जाने ॥३०॥

mātā rāmo matpitā rāmacandraḥ | svāmi rāmo matsakhā rāmacandraḥ | sarvasvaṃ me rāmacandro dayāluḥ nānyaṃ | jāne naiva jāne na jāne ||30||

दक्षिणे लक्ष्मणो यस्य वामे तु जनकात्मजा । पुरतो मारुतिर्यस्य तं वन्दे रघुनन्दनम् ॥३१॥

dakṣiṇe lakṣmaṇo yasya vāme tu janakātmajā | purato mārutiryasya taṃ vande raghunandanam ||31||

लोकाभिरामं रणरङ्गधीरं राजीवनेत्रं रघुवंशनाथम् । कारुण्यरूपं करुणाकरं तं श्रीरामचन्द्रं शरणं प्रपद्ये॥३२॥

lokābhirāmaṃ raṇaraṅgadhīraṃ rājīvanetraṃ raghuvaṃśanātham | kāruṇyarūpaṃ karuṇākaraṃ taṃ śrīrāmacandraṃ śaraṇaṃ prapadye||32||

मनोजवं मारुततुल्यवेगं । जितेद्रियं दुद्धिमतां वरिष्ठं । वातात्मजं वानरयूथमुख्यं । श्रीरामदूतं शरणं प्रपद्ये ॥३३॥

manojavaṃ mārutatulyavegaṃ | jitedriyaṃ duddhimatāṃ variṣṭhaṃ | vātātmajaṃ vānarayūthamukhyaṃ | śrīrāmadūtaṃ śaraṇaṃ prapadye ||33||

कूजन्तं रामरामेति मधुरं मधुराक्षरम् आरुह्य कविताशाखां वन्दे वाल्मीकिकोकिलम् ॥३४॥

kūjantaṃ rāmarāmeti madhuraṃ madhurākṣaram āruhya kavitāśākhāṃ vande vālmīkikokilam ||34||

आपदामपहर्तारं दातारं सर्वसंपदाम् । लोकाभिरामं श्रीरामं भूयो भूयो नमाम्यहम् ॥३५॥

āpadāmapahartāraṃ dātāraṃ sarvasaṃpadām | lokābhirāmaṃ śrīrāmaṃ bhūyo bhūyo namāmyaham ||35||

भर्जनं भवबीजानामर्जनं सुखसंपदाम् । तर्जनं यमदूतानां रामरामेति गर्जनम् ॥३६॥

bharjanaṃ bhavabījānāmarjanaṃ sukhasaṃpadām | tarjanaṃ yamadūtānāṃ rāmarāmeti garjanam ||36||

रामो राजमणि सदा विजयते रामं रमेशं भजे । रामेणाभिहता निशाचरचमू रामाय तस्मै नमः । रामान्नास्ति परायणं परतरं रामस्य दासोऽस्मयं । रामे चित्तलयः सदा भवतु भो राम मामुद्धर ॥३७॥

rāmo rājamaṇi sadā vijayate rāmaṃ rameśaṃ bhaje | rāmeṇābhihatā niśācaracamū rāmāya tasmai namaḥ | rāmānnāsti parāyaṇaṃ parataraṃ rāmasya dāso'smayaṃ | rāme cittalayaḥ sadā bhavatu bho rāma māmuddhara ||37||

रामनामेति रामेति रमे रामे मनोरमे । सहस्रनाम तत्तुल्यं रामनाम वरानने ॥३८॥

rāmanāmeti rāmeti rame rāme manorame | sahasranāma tattulyaṃ rāmanāma varānane ||38||

इति श्रीबुधकौशिकविरचितं श्रीरामरक्षास्तोत्रं सम्पूर्णम् ।

iti śrībudhakauśikaviracitaṃ śrīrāmarakṣāstotraṃ sampūrṇam |