ॐ नागेन्द्रहाराय त्रिलोचनाय भस्माङरागाय महेश्वराय । नित्याय शुद्धाय दिगम्बराय तस्मै नकाराय नमःशिवाय ॥ १ ॥
oṃ nāgendrahārāya trilocanāya bhasmāṅarāgāya maheśvarāya | nityāya śuddhāya digambarāya tasmai nakārāya namaḥśivāya || 1 ||
मन्दाकिनीसलिलचन्दनचर्चिताय नन्दीश्वरप्रमथनाथमहेश्वराय । मन्दारपुष्प्बहुपुष्पसुपूजिताय तस्मै मकाराय नमःशिवाय ॥ २ ॥
mandākinīsalilacandanacarcitāya nandīśvarapramathanāthamaheśvarāya | mandārapuṣpbahupuṣpasupūjitāya tasmai makārāya namaḥśivāya || 2 ||
शिवाय गौरीवदनाब्जवृन्द सूर्याय दक्षाध्वरनाशकाय । श्रीनीलकण्ठाय वृषध्वजाय तस्मै शिकाराय नमःशिवाय ॥ ३ ॥
śivāya gaurīvadanābjavṛnda sūryāya dakṣādhvaranāśakāya | śrīnīlakaṇṭhāya vṛṣadhvajāya tasmai śikārāya namaḥśivāya || 3 ||
वसिष्ठकुम्भोद्भवगौतमार्य मुनीन्द्रदेवार्चितशेखराय । चन्द्रार्कवैश्वानरलोचनाय तस्मै वकाराय नमःशिवाय ॥ ४ ॥
vasiṣṭhakumbhodbhavagautamārya munīndradevārcitaśekharāya | candrārkavaiśvānaralocanāya tasmai vakārāya namaḥśivāya || 4 ||
यक्षस्वरुपाय जटाधराय पिनाकहस्ताय सनातनाय । दिव्याय देवाय दिगम्बराय तस्मै यकाराय नमःशिवाय ॥ ५ ॥
yakṣasvarupāya jaṭādharāya pinākahastāya sanātanāya | divyāya devāya digambarāya tasmai yakārāya namaḥśivāya || 5 ||
पञ्चाक्षरमिदं पुण्यं यः पठेत् शिवसन्निधौ । शिवलोकमवाप्नोति शिवेन सह मोदते ॥ ६ ॥
pañcākṣaramidaṃ puṇyaṃ yaḥ paṭhet śivasannidhau | śivalokamavāpnoti śivena saha modate || 6 ||
इति श्रीमद् शन्कराचार्यविरचितं शिवपञ्चाक्षरस्तोत्रं सम्पुर्णम् |
iti śrīmad śankarācāryaviracitaṃ śivapañcākṣarastotraṃ sampurṇam |